“…bununla qürur duyuram” – Van Dayk

İngiltərənin “Liverpul” klubunun müdafiəçisi Vircil Van Dayk açıqlama verib.

Komanda.az İngiltərə mətbuatına istinadən xəbər verir ki, hollandiyalı futbolçu, “qızıl top”u qazanmalı olduğu ilə bağlı səsləndirilən fikirlərə münasibət bildirib:

“Keçən mövsüm üçün hansısa mükafat alsam, bu, inanılmaz olacaq, bunun üçün fəxr edərəm. Amma hiss edirəm ki, hələ qarşıda çox şey var və mən daha yaxşı oynaya bilərəm. Təbii ki, belə bir mükafat uğrunda mübarizədə favorit sayılmaq böyük şərəfdir, amma edə biləcəyim tək şey sadəcə oynamağa davam etməkdir. Özümə qarşı ciddiyəm. Bilirəm ki, hətta kiçik diqqət dağınıqlığı və səhv cəzaya səbəb olacaq. Buna görə də, bu halların sayını mümkün qədər azaltmağa çalışıram.

“Liverpul”a transfer olunan gündən inkişaf edirəm. Bir çox oyunda sabit çıxış etməyimdən məmnunam, bununla qürur duyuram. Təndiqlərə gəlincə, hücum zamanı standart vəziyyətlərdə daha yaxşı oynaya, daha təhlükəli ola bilərdim. Bu, asan deyil, amma bunun üzərində çalışıram. Hiss edirəm ki, gələcəkdə daha yaxşı olacaq. Təcrübə mənim üçün də çox vacibdir”.