“Növbəti dəfə beş qol vurmalı olacağıq” – Haland

“Mançester Siti”nin hücumçusu Erlinq Haland “Çelsi” ilə oyunun nəticəsini (4:4) şərh edib.

Komanda.az “Goal”-a istinadən xəbər verir ki, o, oyunun çətin keçdiyini və xoşuna gəldiyini deyib:

“Çətin matç oldu, xoşuma gəldi. Bir qayda olaraq, dörd qol vuranda qalib gəlirsən, amma biz buna nail ola bilmədik. Qələbə qazanmaq üçün bir neçə şansımız oldu, amma alınmadı. Bunun üzərində işləmək lazımdır. Növbəti dəfə beş qol vurmalı olacağıq.

Qol vurduğum üçün şadam, amma qalib gəlmədiyim üçün bir az məyus oldum. Bir xal heç yoxdan yaxşıdır. Həqiqətən, yaxşı nəticələrimiz var. Çempionata liderlik edirik və artıq Çempionlar Liqasının pley-off mərhələsinə yüksəlmişik. Əla iki ay old. Düzünü desəm, keçən mövsümə nəzərən daha yaxşı başlanğıc oldu”.

Haland “Çelsi” ilə matçda dubla imza atıb, həm də məhsuldar ötürmə edib.