Kazemiro “Real”a qayıda bilər

“Mançester Yunayted”in yarımmüdafiəçisi Kazemiro karyerasını İspaniyada davam etdirə bilər.

Komanda.az xarici KİV-ə istinadən xəbər verir ki, “Real” 32 yaşlı yarımmüdafiəçini transfer etməkdə maraqlıdır. “Kral klubu” qış transfer pəncərəsində braziliyalı futbolçu ilə müqaviləni yekunlaşdıra bilər.

Kazemiro “Real”ın aparıcı müdafiəçilərinin zədələrindən sonra komandanın bu mövqedəki problemlərini həll etməyə kömək edə bilər.

Braziliyalı yarımmüdafiəçi 2013-2022-ci illərdə İspaniya klubunda çıxış edib, daha sonra “qırmızı şeytanlar”a keçib. Onun hazırkı klubu ilə müqaviləsi 2026-cı ilin yayına kimi nəzərdə tutulub.