“Əfsanə, həmişə minnətdaram”

“Mançester Yunayted”in yarımmüdafiəçisi Kazemiro klubun keçmiş baş məşqçisi Rud van Nistelroya təşəkkür edib.

Komanda.az xarici KİV-ə istinadən xəbər verir ki, braziliyalı futbolçu sosial şəbəkə hesabında “Əfsanə, həmişə minnətdaram” sözlərini paylaşıb.

Niderlandlı mütəxəssis yeni baş məşqçi Ruben Amorimin təyinatından sonra komandadan ayrılıb.

Van Nistelroy dörd oyunda “Mançester Yunayted”in baş məşqçisi vəzifəsində çalışıb.

“Qırmızı şeytanlar” İngiltərə Premyer Liqasının 11 turundan sonra 15 xal toplayaraq, turnir cədvəlinin 13-cü pilləsində qərarlaşıb.