Kavani üçün danışıqlara başladı – A Seriyasının debütantı

A Seriyasının yeni iştirakçısı “Monza” “Mançester Yunayted”in uruqvaylı sabiq hücumçusu Edinson Kavanini heyətinə qatmaq istəyir.

Komanda.az “Sky Sport İtalia”-ya istinadən xəbər verir ki, klub futbolçunun nümayəndələri ilə danışıqlara başlayıb. “Monza” üçün bu yay mərkəz hücumçusu mövqeyini gücləndirmək vacibdir.

Eyni zamanda, agenti Kavaninin gələn mövsüm Cənubi Amerikada çıxış edəcəyini də istisna etməyib.

Kavani son mövsümdə “Mançester Yunayted”in heyətində 19 oyuna çıxıb, 2 qol vurub və bir məhsuldar ötürmə edib. O, əvvəllər PSJ, “Napoli” və “Palermo” kimi klublarda da forma geyinib.

Bizi Telegramda izləyin