Kavani La Liqa klublarından hansına keçəcək?

“Real Sosyedad” uruqvaylı hücumçu Edinson Kavanini transfer etmək üçün yarışır.

Komanda.az xəbər verir ki, 35 yaşlı futbolçu tezliklə “Nyukasl”la müqavilə bağlayacaq Aleksandr İsakın əvəzedicisi kimi nəzərdən keçirilir. Bu barədə COPE məlumat yayıb.

Daha əvvəl bildirilmişdi ki, Kavani “Valensiya”nın da maraq dairəsindədir. Onun transferini “Vilyarreal”ın baş məşqçisi Unay Emeri də istisna etməmişdi. Emeri, Kavaninin İspaniya La Liqasında oynamaq istədiyini bildirmişdi.

Kavaninin son klubu müqaviləsi 30 iyun 2022-ci ildə başa çatan “Mançester Yunayted” olub. Hücumçu əvvəllər PSJ, “Napoli” və “Palermo”da da çıxış edib.

Bizi Telegramda izləyin