Kasilyas “Real”ın tənqid edilməsindən danışdı

Keçmiş qapıçı İker Kasilyas bu mövsüm “Real”a qarşı yönələn tənqidlər haqda danışıb.

Komanda.az “Marca”-ya istinadən xəbər verir ki, “Real”ın sabiq qapıçısı hər şeyin çox tez dəyişilə biləcəyini söyləyib:

“Oynayanlar yaxşı başa düşürlər ki, bu gün sizin haqqınızda söylədiklərinin ertəsi gün deyəcəkləri ilə heç bir əlaqəsi yoxdur. Bir neçə ay əvvəl “Real” “qorxunc” adlandırıldı və Karlo Ançelottinin istefaya göndərilməsi söylənildi. İndi hamı onun inanılmaz olduğunu deyir. Hər şey dramatik şəkildə dəyişdi”.

“Real” La Liqanın 21 turundan sonra ən yaxın rəqibini 4 xal qabaqlayaraq, turnir cədvəlinə başçılıq edir.