Karyerasını bitirdi – 27 yaşında

İngiltərənin “Sauthempton” klubunun futbolçusu Sem Makkuin karyerasını bitirib.

Komanda.az klubun rəsmi “tvitter” hesabına istinadən xəbər verir ki, 27 yaşlı futbolçunun karyerasını erkən bitirməsinə dizindəki zədə səbəb olub.

İngiltərəli futbolçu karyerasını bitirməsi ilə bağlı bunları deyib:

“Həqiqətən, yenidən futbol oynamaq istəyirəm. Amma özüm və ailəm üçün doğru olanı etməliyəm”.

“Sauthempton”un yetirməsi olan Sem Makkuin 2014-cü ildən əsas komandada çıxış edirdi.