Benites: “İngiltərədən bəzi təkliflərim var”

İspaniyalı məşqçi Rafael Benites İngiltərə Premyer Liqasına qayıda biləcəyini bildirib.

Komanda.az “The Sun”-a istinadən xəbər verir ki, o, bunu deyib:

“Karyeramı İngiltərədə bərpa etməyi düşünürəm. Bəzi təkliflərim var. Artıq bir neçə klub mənim xidmətimlə maraqlanır”.

Benites İngiltərə çempionatında bir neçə komandanı çalışdırıb. Bu siyahıya “Çelsi”, “Liverpul”, “Nyukasl” və “Everton” klubları daxildir. 64 yaşlı mütəxəssisin son iş yeri İspaniyanın “Selta” klubu olub. O, hazırda işsizdir.