Karragerdən “Liverpul”a məsləhət

“Liverpul”un sabiq futbolçusu Cimi Karrager keçmiş klubuna “Nyukasl”ın yarımmüdafiəçisi Entoni Qordonu transfer etməyi məsləhət görüb.

Komanda.az “goal.com”-a istinadən xəbər verir ki, ingiltərəli keçmiş futbolçu, mersisaydlıların bu oyunçu üçün yarışmasını istədiyini bildirib:

“Liverpul”un bu oyunçu üçün yarışmasını istərdim. Qordon yeni səviyyəyə çata və əsl top-oyunçuya çevrilə bilər”.

Qordon müqavilə əsasında 2026-cı ilin ortalarına qədər “Nyukasl”a bağlıdır. O, ötən mövsüm 49 oyuna çıxıb, 12 qol vurub və 11 məhsuldar ötürmə edib.