Keçmiş futbolçu “Liverpul”un hücumçularını tənqid etdi

“Liverpul”un keçmiş müdafiəçisi Cimi Karrager İngiltərə kubokunun 1/4 finalında “Liverpul” – “Mançester Yunayted” matçının (3:4) nəticəsi haqqında danışıb.

Komanda.az xarici KİV-ə istinadən xəbər verir ki, ingiltərəli mütəxəssis “Liverpul”un üç qol vurmasına baxmayaraq hücum oyunçularının çox zəif olduğunu bildirib:

“Mançester Yunayted” üçün inanılmaz oyun və əla nəticədir. Lakin “Liverpul”un günahı yalnız özlərindədir. Onlar üç qol vursa da, bütün hücum oyunçuları çox zəif idi. Mən çox şikayət edə bilmərəm, çünki “Liverpul” bütün mövsüm əla idi. Bu, futboldur, lənətə gəlsin”.