Sabiq futbolçu “Liverpul”u Aleksander-Arnoldu əsas heyətdən uzaqlaşdırmağa çağırıb

“Liverpul”un keçmiş futbolçusu Cimi Karrager hesab edir ki, Trent Aleksander-Arnold komandanın start heyətində olmamalıdır.

Komanda.az xəbər verir ki, ingiltərəli sabiq futbolçu “Sky Sports”-a açıqlamasında bunu deyib:

“Düşünürəm ki, Trent növbəti mövsüm komandada qalmasa, o zaman əsas heyətdə oynamamalıdır”.

Aleksander-Arnold “Liverpul” akademiyasının yetirməsidir. 26 yaşlı müdafiəçinin mersisaydlılarla müqaviləsinin müddəti bu ilin iyununun sonunda başa çatacaq. Yayda “Real”a keçəcəyi gözlənilən oyunçunu indi 21 yaşlı Konor Bredli əvəz edə bilər.