“Karate1 Youth League”: Azərbaycanlı karateçilər daha 2 medal qazanıblar

Azərbaycan karateçiləri Birləşmiş Ərəb Əmirliklərinin Fujeira şəhərində “Karate1 Youth League” turnirinin son günündə daha iki medal qazanıblar.

Federasiyadan Komanda.az-a verilən məlumata görə, 14 yaşadək uşaqlar arasında Əfqan Tarverdi (45 kq) “qızıl”a və Zeynəb Nəbiyeva (52 kq) isə “gümüş”ə layiq görülüb.

Dörd gün davam edən nüfuzlu turniri Azərbaycan yığması 6 medalla bitirib.

Əvvəlki günlərdə Amin Yadigarlı (55 kq, 16-17 yaşlı gənclər) birinci, Nicat Kərimli (75 kq, 21 yaşadək gənclər) və Rumil Cəfərli (76 kq, 16-17 yaşlı gənclər) ikinci, Raul Səfərəliyev (63 kq, 14-15 yaşlı yeniyetmələr) isə üçüncü olublar.