Ağayev finalda, Ağalarzadə “bürünc” üçün mübarizə aparacaq

Portuqaliyanın Matosinhos şəhərində Karate1 Premyer Liqa turniri başlayıb. 

Karate federasiyasından Komanda.az-a verilən məlumata görə, Tural Ağalarzadə (-67 kq) və Fərid Ağayev (-75 kq) yarışın müdalları uğrunda döyüşəcək. Ağayev finala yüksəlib, Ağalarzadə isə bürünc medal görüşünə çıxacaq. Mükafatlar uğrunda həlledici görüşlər 24 apreldə keçiriləcək. 

Yarışın ikinci günü daha 6 idmançımız mübarizəyə qatılacaq.

Matosinhosdakı Karate1 Premyer Liqa turnirində 58 ölkədən 351 idmançı iştirak edir.