Kante Ronaldonun klubuna keçə bilər

“Çelsi”nin yarımmüdafiəçisi Nqolo Kante karyerasını “Əl-Nəsr”də davam etdirə bilər.

Komanda.az xarici KİV-ə istinadən xəbər verir ki, Səudiyyə Ərəbistanı klubu Kantenin keçidi üçün ciddi şəkildə pul xərcləməyə hazırdır. Fransalı yarımmüdafiəçi “Əl-Nəsr”ə azad agent kimi keçə bilər, onun müqaviləsi bu ay başa çatır.

Daha əvvəl 32 yaşlı futbolçunun xidmətində “Əl-İttihad”ın da maraqlı olduğu bildirilirdi.

“Əl-Nəsr”də portuqaliyalı hücumçu Kriştiano Ronaldo da forma geyinir.

Kante ötən mövsüm “Çelsi”nin heyətində bütün turnirlərdə 9 oyuna çıxıb, bir məhsuldar ötürmə edib. O, zədə səbəbindən mövsümün çox hissəsini buraxıb.