“Mbappe tezliklə Fransa millisinə qayıdacaq”

Fransa millisinin yarımmüdafiəçisi Nqolo Kante “Real”ın hücumçusu Kilian Mbappenin milliyə çağırılmamasından danışıb.

Komanda.az “Instant Foot”-a istinadən xəbər verir ki, fransalı futbolçu, Mbappenin tezliklə milli komandaya qayıdacağını düşünür:

“İndi fikirlərim komandamızın sərəncamında olan futbolçularla bağlıdır. Mbappe? Düşünürəm ki, o, tezliklə Fransa millisinə qayıdacaq. Mən ona ən yaxşısını arzulayıram”.

Fransa millisi bu gün Millətlər Liqasının qrup mərhələsində İsrail yığması ilə qarşılaşacaq.