Kamran Quliyev oynadı, komandası uduzdu

Futbol üzrə Litva 1-ci liqasında 17-ci turun oyunları keçirilib.

Komanda.az xəbər verir ki, azərbaycanlı futbolçu Kamran Quliyevin formasını geyindiyi “Jonava” da növbəti matçına çıxıb.

Sözügedən kollektiv doğma meydanda “Kupişkis”lə qarşılaşıb. Futbolçumuzun komandası bu oyundan məğlubiyyətlə ayrılıb – 2:3.

Kamran da bu matçın iştirakçısı olub. O, 46-cı dəqiqədə meydana buraxılıb. Cari mövsümdə 6 qol vurmuş gənclərdən ibarət millimizin üzvü bu dəfə fərqlənə bilməyib.

“Jonava” 17 oyuna topladığı 30 xalla 16 iştirakçı arasında 4-cü pillədə qərarlaşıb.