Afrika Millətlər kubokuna “Omikron” əngəli

Kamerunda keçirilməsi planlaşdırılan Afrika Millətlər kuboku ləğv oluna bilər.

Komanda.az xəbər verir ki, bu barədə “RMC Sport” telekanalı məlumat yayıb. Afrika Futbol Konfederasiyası (CAF) koronavirusla bağlı vəziyyətə və yeni yaranmış “Omikron” ştamına görə yarışı ləğv edə bilər.

Federasiya rəsmiləri Avropadan oyunçuların və azarkeşlərin gəlişinin ölkədə epidemioloji vəziyyəti daha da pisləşdirəcəyini düşünür.

Afrika Millətlər kuboku 2022-ci il 9 yanvar-6 fevralda keçirilməlidir.