İtaliya millisinin futbolçusu İngiltərədə oynamağa hazırdır

“Bolonya”nın müdafiəçisi Rikkardo Kalafiori İngiltərə Premyer Liqasına keçməyə hazırdır.

Komanda.az xarici KİV-ə istinadən xəbər verir ki, “Yuventus” “Bolonya” ilə razılığa gəlməsə, italiyalı futbolçu xarici çempionata keçməyə hazır olacaq.

“Bolonya” daha əvvəl A Seriyasındakı rəqiblərini gücləndirməkdənsə, Kalafiorini xarici kluba satmağa üstünlük verdiklərini bildirmişdi.

22 yaşlı futbolçu əvvəllər 50-60 milyon avro civarında dəyərləndirilirdi.

Kalafiori AÇ-2024-də İtaliya millisinin heyətində çıxış edib, lakin onun komandası artıq 1/8 final mərhələsində mübarizədən kənarlaşdırılıb.