“Kəpəz” rəhbərliyi nazirlə görüşdü

“Kəpəz”in İdarə Heyətinin sədri İlqar Nadiri, üzvü, millət vəkili Müşfiq Cəfərov gənclər və idman naziri Fərid Qayıbovla görüşüblər.

Komanda.az xəbər verir ki, səmimi ab-havada keçən görüşdə klubun vəziyyəti, əsas komandanın çıxışı müzakirə mövzusu olub.

Nazirin ötən ilin sentyabrında Nizami yurduna səfəri çərçivəsində Gəncə şəhər stadionunda olduğunu xatırladan İlqar Nadiri həyata keçirilən infrastuktur layihələr çərçivəsində aparılan son işlərlə bağlı məlumat verib. Yerli futbol akademiyasının inşasının yaxın müddətdə yekunlaşacağı, arenanın ərazisində salınan köməkçi meydanların yazdan sonra komandaların ixtiyarına veriləcəyini bildirib. Stadionun mövcud durumu barədə fikir mübadiləsi aparılıb.

Görüşün sonunda “Kəpəzin forması gənclər və idman naziri Fərid Qayıbova hədiyyə edilib. Hədiyyəyə görə təşəkkür edən nazir “Kəpəz”in formasının iş otağını bəzəyəcəyini deyib.