“Kəpəz” “Dalğa Arena”nı seçdi

“Kəpəz” Azərbaycan Premyer Liqasına hazırlığın növbəti mərhələsini Bakıda keçirəcək.

Komanda.az kluba istinadən xəbər verir ki, “sarı-göylər” iyulun 28-dək paytaxtda qalacaq.

Təlim-məşq toplanışı “Dalğa Arena”da olacaq. Komanda bu gün iki məşqə çıxacaq.

Dünən “Zirə” ilə yoxlama oyununda (1:2) iştirak edən futbolçular bərpa məşqi ilə kifayətlənəcəklər. Yüngül zədəsi olan Abdullahi Şuaybu, Tural Rzayev və komandaya gec qoşulan Mate Kvirkviya isə fərdi halda çalışacaq.