Juninyo “Sevilya”ya mümkün keçidi haqda: “Tərəflərin razılığa gəlməsini gözləyirəm”

“Qarabağ”ın hücumçusu Juninyo İspaniyanın “Sevilya” klubuna mümkün transferi ilə bağlı yaranmış vəziyyəti şərh edib.

Komanda.az xəbər verir ki, “Estadio Deportivo”-ya danışan braziliyalı forvard belə deyib:

“Hazırda bu məsələ mənim əlimdə deyil. Bu vəziyyət haqqında çox danışa bilmərəm. Çünki mənim “Qarabağ”la müqaviləm var. Mən tərəflərin razılığa gəlməsini gözləyirəm”.

Son məlumatlara görə, “Qarabağ” “Sevilya”nın 2 milyon avroluq ilk təklifi ilə kifayətlənməyib və tərəflər güzəştə getməyə çalışır.

Juninyo 2026-cı il iyunun 30-na qədər “Qarabağ”a məxsusdur.