Jirudan tarixi göstərici

Fransa millisi AÇ-2020-nin seçmə mərhələsinin ikinci turunda İslandiyanı 4:0 hesabıyla məğlub edib.

Komanda.az xarici mətbuata istinadən xəbər verir ki, matçın 68-ci dəqiqəsində komandasının ikinci qolunu vuran Olivye Jiru, adını Fransanın futbol tarixinə yazdırıb. Belə ki, Jiru, yığmada 35-ci qolunu vuraraq, Fransa millisinin tarixində ən çox qol vuran 3-cü futbolçu olub. O, millidə 34 qol vuran “Yuventus”un sabiq hücumçusu David Trezeqeni geridə qoyub.

Fransa millisinin tarixində ən çox qol vuran futbolçu isə Tyerri Anridir. Onun hesabında 51 qol var.