“Jirona”ya məğlub olmağımız utancvericidir” – Solari

İspaniya La Liqasının son turunda autsayder “Jirona”ya 1:2 hesabı ilə məğlub olan “Real”ın baş məşqçisi Santyaqo Solari, matçdan sonra açıqlama verib.

Komanda.az İspaniya mətbuatına istinadən xəbər verir ki, argentinalı mütəxəssis, çempionluq şanslarının bitmədiyini deyib:

“Jirona” yaxşı oynadı, amma buna baxmayaraq, daha çox qol vura bilərdik. Rəqib oyun ərzində dayanmadı, ikinci hissədə də enerjiləri bitmədi. “Jirona”ya məğlub olmağımız utancvericidir. Bu turda ən yaxın rəqiblərimiz qalib gəldi. Yaxşı formada idik, amma indi “Barselona”da daha 3 xal uzaqlaşdıq.

Çempionluq şansımız bitməyib. Bundan sonra hələ çox oyun keçirəcəyik, mübarizə davam edir”.

24 turdan sonra 45 xal toplayan “kral klubu” turnir cədvəlinin 3-cü pilləsində qaərarlaşıb və lider “Barselona”dan 9 xal geridədir.