“Jirona”ya Çempionlar Liqasında oynamaq imkanı veriləcək?

“Jirona” növbəti mövsüm üçün Çempionlar Liqasına vəsiqə qazansa belə, bu turnirdə iştirak etməyəcək.

Komanda.az xəbər verir ki, İspaniya klubu “Mançester Siti”nin olduğu turnirdə oynamaq haqqına sahib olmayacaq.

“Jirona” və “Mançester Siti” eyni – “City Football Group” holdinqinə məxsusdur.

UEFA-nın reqlamentinə görə, eyni sahibləri olan klublar Çempionlar Liqasında birlikdə iştirak edə bilməzlər. 

Amma “Red Bull”a məxsus “Zalsburq” və “Leyptsiq”in bəlli qaydalar çərçivəsində çıxış yolu tapması nümunəsi də var. 

“Jirona” hazırda İspaniya La Liqasında 45 xalla “Real”la 1-2-ci yerləri bölüşür.