Qvineya millisinin üzvü “Roma”da

İtaliyanın “Roma” klubu heyətini yeni futbolçuyla gücləndirib.

Komanda.az xəbər verir ki, A Seriyası təmsilçisi “Napoli”dən Amadu Diavaranı transfer edib. Bu barədə klubun rəsmi saytı məlumat yayıb. 21 yaşlı yarımmüdafiəçi ilə müddəti 2024-cü ilin iyunun 30-na qədər olan müqavilə imzalanıb.

Qvineya millisinin də şərəfini qoruyan futbolçu üçün “Roma” 21 milyon avro təzminat ödəyib.

Bir müddət əvvəl “Roma”nın müdafiəçisi Kostas Manolas 36 milyon avro qarşılığında “Napoli”yə keçmişdi.