“Napoli” alman futbolçunu İtaliyaya gətirdi

İtaliyanın “Napoli” klubu heyətini yeni futbolçuyla gücləndirməyə hazırlaşır.

Komanda.az xəbər verir ki, Neapol təmsilçisi “Leyptsiq”dən almaniyalı Dieqo Demmeni transfer etməyə yaxındır. Bu barədə İtaliya mətbuatı məlumat yayıb. Xəbərdə, 28 yaşlı yarımmüdafiəçinin “Napoli” ilə danışıqları bitirmək və rəsmi müqavilə imzalamaq üçün artıq İtaliyaya gəldiyi bildirilir.

“Napoli” Demme üçün “Leyptsiq”ə bonuslarla birlikdə 12 milyon avro ödəyəcək.

2014-cü ildən “Leyptsiq” forması geyinən Demmenin müqaviləsi 2021-ci ilin yayına qədərdir.