“İnter”in sabiq baş məşqçisi Qətər klubunda

İtaliyanın “İnter” komandasının sabiq baş məşqçisi Andrea Stramaççioninin yeni iş yeri məlum olub.

Komanda.az xəbər verir ki, 45 yaşlı mütəxəssis “Əl Qarafa” komandasına baş məşqçi təyin olunub. Bu barədə Qətər klubunun mətbuat xidməti məlumat yayıb. Stramaççioni ilə imzalanan müqavilənin detalları açıqlanmayıb.

Baş məşqçi karyerası ərzində “Roma”, “İnter” kimi komandaları çalışdıran Stramaççioninin son iş yeri İranın “İstiqlal” klubu olub.