Eriksen üçün 4 təklif

İtaliyanın “İnter” klubundan ayrılan Kristian Eriksen karyerasını Danimarkada davam etdirə bilər.

Komanda.az xəbər verir ki, danimarkalı yarımmüdafiəçi ölkəsinə yollana bilər. Bu barədə onun meneceri Martin Ştus Danimarka mətbuatına açıqlamasında deyib:

“Eriksen üçün dörd təklif var. Onlar arasında Danimarkadan olan klub da var”.

Eriksenin adı Danimarkanın “Odense” klubu ilə hallanır.

AÇ-2020-nin Danimarka – Finlandiya matçında (0:1) huşunu itirən və daha sonra ürəyindən əməliyyat olunan Eriksenə kardioverter-defibrillyator (İCD) qoşulub. Kardioverter-defibrillyator nizamsız ürək ritmini tənzimləməyə kömək etmək üçün sinəyə qoyulan kiçik bir cihazdır. Cihaz ürəyin qəfildən dayanmasının da qarşısını alır.