Nestanı keçmiş komanda yoldaşı əvəzlədi

İtaliyanın “Frozinone” komandasının yeni baş məşqçisi məlum olub.

Komanda.az xəbər verir ki, B Seriyası təmsilçisinin “sükan”ı Fabio Qrossoya tapşırılıb. Bu barədə klubun mətbuat xidməti məlumat yayıb. 43 yaşlı mütəxəssislə müqavilə mövsümün sonuna qədər nəzərdə tutulub.

Qrosso “Frozinone”də bir neçə gün əvvəl istefaya göndərilən Alessandro Nestanı əvəzləyib. Hər iki mütəxəssis futbolçu karyeraları zamanı İtaliya yığmasında birlikdə çıxış edib.

“Frozinone” B Seriyasında 12-ci sıradadır.