İddia: Vlahoviç “Yuventus”la razılaşıb

İtaliyanın “Fiorentina” klubunun futbolçusu Duşan Vlahoviç karyerasını “Yuventus”da davam etdirməyə yaxındır.

Komanda.az xəbər verir ki, Turin təmsilçisi serbiyalı hücumçu ilə razılaşıb. Bu barədə “La Gazetta dello Sport” nəşri məlumat yayıb.

“Yuventus” Vlahoviçə illik 7 milyon avro maaş verəcək. “Qoca sinyora” “Fiorentina” ilə də danışıqlar aparır. Florensiya təmsilçisi “Yuventus”dan 70 milyon avro tələb edir.

Vlahoviç bu mövsüm “Fiorentina” ilə 20 qol vurub.