“Yuventus”la “Napoli”nin “radar”ındadır – Ukraynalı futbolçu

“Şaxtyor”un yarımmüdafiəçisi Georgi Sudakov karyerasını İtaliya çempionatında davam etdirə bilər.

Komanda.az “EuropaCalcio”-ya istinadən xəbər verir ki, 22 yaşlı futbolçu ilə “Yuventus” və “Napoli” maraqlanır.

Ukraynalı oyunçunun özü də İtaliya klublarından birinə keçmək istəyir. O, ötən il “Şaxtyor”la müqaviləsinin müddətini 2028-ci ilin dekabrına qədər uzadıb.

Sudakov bu mövsüm “Şaxtyor”un heyətində 25 matçda iştirak edib, 10 qol vurub və 4 məhsuldar ötürmə verib.