“Van Persi, Robben kimi mən də adımı tarixə yazdırmaq istəyirəm” – “Yuventus”un yeni transferi

“Yuventus”un bu yay “Ayaks”dan heyətinə qatdığı Matteys de Liqt açıqlama verib.

Komanda.az İtaliya mətbuatına istinadən xəbər verir ki, 20 yaşlı müdafiəçi, bu ölkənin futbolundan danışıb:

“Mənasız görünsə də, İtaliyada Hollandiyaya nisbətən daha fərdi futbol düşünülür. Hər futbolçunun nəyə ehtiyacı olduğu, necə daha yaxşı ola biləcəyi müəyyənləşdirilir. Hər kəsə fərqli proqramlar hazırlanır.

Yeni ölkədəyəm və bunun asan olmadığını bilirəm. Burda uğurlu olmaq üçün çox çalışacam. Robin van Persi, Aryen Robben kimi mən də adımı tarixə yazdırmaq istəyirəm”.

“Yuventus” holland futbolçu üçün Amsterdam təmsilçisinə 75 milyon avro ödəmişdi.