“Biz 2026-cı il dünya çempionatını buraxa bilmərik”- Spaletti

İtaliya millisinin baş məşqçisi Luçano Spaletti komandanın Şimali Amerikada keçiriləcək 2026-cı il dünya çempionatına qatılmasının vacibliyini qeyd edib.

Komanda.az “Football İtalia”-ya istinadən xəbər verir ki, italiyalı məşqçi özlərinə həddən artıq güvənməməli olduqlarını bildirib:

“Biz 2026-cı il dünya çempionatını buraxa bilmərik. İtaliya futbolunun tarixi keyfiyyət tarixidir, ona görə də, biz bu çempionatda iştirak etməliyik. Bununla belə, özümüzə həddən artıq güvənməməliyik. İndi bütün komandalar güclüdür. Onlar çempion olmaq üçün yaradılıblar”.

İtaliya yığması son iki dünya çempionatını buraxıb.