“Milan” cari mövsümdə titul qazansa, bu, “İnter” üçün faciə olacaq”

İtaliya milli komandasının sabiq futbolçusu Antonio Kassano açıqlama verib.

Komanda.az xarici mətbuata istinadən xəbər verir ki, Kassano, İtaliya A Seriyasındakı çempionluq yarışından danışıb:

“İnter” yayda Antonio Kontenin istədiyi bütün futbolçuları aldı. Bu səbəbdən, onlar “Yuventus”u da məğlub etməli idilər. Çempionlar Liqası ilə vidalaşsalar da, A Seriyasını qazanmaq onlar üçün uğur olacaq.

“Milan” isə 1,5 milyon avroya komanda qurdu və inanılmaz mövsüm keçirirlər. “Milan” cari mövsümdə titul qazansa, bu, “İnter” üçün faciə olacaq”.

İtaliya yığmasında 39 oyuna 10 qol vuran Kassano, ölkəsində həm “Milan”da, həm də “İnter”də çıxış edib.