İtaliya klubunun futbolçusunda koronavirus aşkarlandı

İtaliyanın “Venesiya” klubunun bir futbolçusu koronavirusa yoluxub.

Komanda.az xəbər verir ki, bu barədə B Seriyası klubunun mətbuat xidməti məlumat yayıb.

Komandanın üzvləri, məşqçiləri və digər işçilər iyunun 12-də koronavirus testindən keçib. Testlərin nəticəsində futbolçuların birinin nəticəsi müsbət olub. Xəstəliyə yoluxan futbolçunun adı açıqlanmayıb. Həmin futbolçu karantinə alınıb.

B Seriyasının iyunun 17-də bərpa olunacağı gözlənilir.