İtaliya klubunda yeni baş məşqçi

“Spetsiya”nın yeni baş məşqçisi müəyyənləşib.

Komanda.az xəbər verir ki, A Seriyası təmsilçisi Leonardo Sempliçiyə tapşırılıb.

O, bir neçə gün öncə istefaya göndərilmiş Luka Qottini əvəzləyib. Klubun mətbuat xidmətinin yaydığı məlumata görə, tərəflər arasındakı müqavilənin müddəti 2023-cü ilin yayına qədər nəzərdə tutulub.

Sözügedən komanda hazırda A Seriyasında 20 iştirakçı arasında 19 xalla 17-ci pillədə qərarlaşıb.