İtaliya klubu “sükan”ı Poçettinoya tapşırmaq istəyir

“Çelsi”nin baş məşqçisi Maurisio Poçettino yayda klubunu dəyişə bilər.

Komanda.az “La Repubblica”-ya istinadən xəbər verir ki, 52 yaşlı argentinalı məşqçi ilə “Milan” maraqlanır. Milan klubu hazırkı baş məşqçisi Stefano Piolinin istefa vermə ehtimalı olduğundan, Poçettinonu namizədlər siyahısına daxil edib.

Poçettino 2023-cü ilin yayından “Çelsi”yə rəhbərlik edir. Onun klubla müqaviləsi 2024/25 mövsümünün sonuna kimidir.

“Zadəganlar” 36 turdan sonra 57 xal toplayıb və İngiltərə Premyer Liqasında 7-ci yerdədir.