İtaliya klubu futbolçusu ilə vidalaşdı

İtaliyanın “Kalyari” klubu yarımmüdafiəçisi Valter Birsa ilə yollarını ayırıb.

Komanda.az xəbər verir ki, bu barədə A Seriyası təmsilçisinin rəsmi saytı məlumat yayıb.

Xəbərdə tərəflər arasındakı müqaviləyə qarşılıqlı razılıq əsasında xitam verildiyi diqqətə çatdırılıb.

Qeyd edək ki, Birsa 2019-cu ilin yanvarından “Kalyari”nin uğurları üçün çalışırdı. 34 yaşlı futbolçunun klubla müqaviləsinin müddəti 2021-ci ilin yayına qədər idi. O, bu mövsüm heç bir rəsmi oyuna çıxmamışdı.