![](https://komanda.az/wp-content/uploads/2022/10/daniele-de-rossi_1665568372.jpg)
İtaliya klubu baş məşqçisini istefaya göndərdi
İtaliyanın SPAL klubu baş məşqçisi Daniele De Rossini istefaya göndərib.
Komanda.az xəbər verir ki, bu barədə B Seriyası təmsilçisi rəsmi saytı vasitəsilə məlumat yayıb.
39 yaşlı mütəxəssislə yanaşı, onun köməkçiləri də istefaya göndərilib. İstefaya komandanın uğursuz nəticələri səbəb göstərilib.
Son üç oyununda məğlubiyyətlə üzləşən SPAL bu mövsüm B Seriyasında 24 oyuna topladığı 24 xalla 18-ci pillədə qərarlaşıb.
De Rossi 2022-ci ilin oktyabrından çalışdırdığı SPAL-ı 17 oyuna çıxarıb. Komanda bu oyunlarda cəmi 3 qələbə qazanıb, 6 heç-heçə edib və 8 məğlubiyyətə üzülüb.
Bizi Telegramda izləyin
Bizi Facebook-da izləyin