“İnter” 38 yaşlı futbolçu transfer edir

İtaliya A Seriyasının son qalibi “İnter” heyətini yeni qapıçı ilə gücləndirə bilər.

Komanda.az xəbər verir ki, “neradzurra”nın yeni baş məşqçisi Simone İnzaqi “Krotone” klubundan qapıçı Aleks Kordatsın heyətə cəlb olunmasını istəyir. Bu barədə İtaliya mətbuatı məlumat yayıb. 38 yaşlı futbolçu “İnter”də qapıçı Samir Handanoviçə əvəzləyici kimi düşünülür.

“İnter”in Kordats üçün “Krotone” ilə razılaşdığı bildirilir.

“İnter”in yetirməsi olan Kordats 2015-ci ildən “Krotone”də çıxış edir. Onun “transfermarkt”da dəyəri 500 min avrodur.