İtaliya A Seriyasında oynamış klub fəaliyyətini dayandırdı

İtaliyanın “Kyevo” klubu fəaliyyətini dayandırıb.

Komanda.az xəbər verir ki, vaxtı ilə A Seriyasında da çıxış etmiş Verona təmsilçisi D Seriyasında iştirak üçün ərizə verə bilməyib. Bu barədə “La Gazzetta dello Sport” məlumat yayıb. D Seriyasında iştirak üçün sənədlərin qəbulu avqustun 24-də bitəcək.

“Kyevo” ötən mövsümün sonunda maliyyə pozuntularına görə B Seriyasından kənarlaşdırılmışdı. Komanda bu mövsüm D Seriyasında iştirak etmək istəsə də, maliyyə təminatı olmadığı üçün müvafiq sənədləri təqdim edə bilməyib.

1929-cu ildə yaradılan “Kyevo” 2001-ci ildə ilk dəfə İtaliya A Seriyasına yüksəlib. Komanda A Seriyasında 4-cü yeri tutaraq, 2006/2007 mövsümündə Çempionlar Liqasında da iştirak edib.