İbrahimoviç “Milan”la razılaşdı: “Bu dəfə də bunun üçün mübarizə aparacağıq”

İsveçli hücumçu Zlatan İbrahimoviç yeni mövsümdə də “Milan”da qalacaq.

Komanda.az xəbər verir ki, 38 yaşlı futbolçu İtaliya mətbuatına açıqlamasında “qırmızı-qaralar”la yeni müqavilə imzalayacağını deyib:

“Özümü evimdə hiss etdiyim yerə geri qayıtdım. İndi nəticələri almaq vaxtıdır. Mən buraya maskot olmaq üçün deyil, “Milan”ı layiq olduğu yerə qaytarmaq üçün qayıtdım. Son 6 ayda yaxşı oyun sərgilədik, amma kubok qazana bilmədik. Bu dəfə də bunun üçün mübarizə aparacağıq”.

Yanvar ayından “Milan”ın uğurları üçün çalışan İbrahimoviçin müqaviləsi avqustun sonuna qədər idi.