İsveç – Azərbaycan matçının təyinatları məlum oldu

Azərbaycan millisinin UEFA Millətlər Liqasının 6-cı turunda İsveç yığmasına qarşı keçirəcəyi matçın təyinatları açıqlanıb.

Komanda.az xəbər verir ki, Solna şəhərindəki “Strouberri Arena”da baş tutacaq görüşü Polşadan olan hakimlər briqadası idarə edəcək.

Baş hakim Pavel Raçkovskiyə Radoslav Sieyka, Adam Kupsik kömək edəcək. Dördüncü hakim funksiyasını Voytsex Muts yerinə yetirəcək.

Noyabrın 19-da keçiriləcək görüşün start fiti saat 23:45-də səsləndiriləcək.