İstanbul derbisinin hakimləri müəyyənləşdi

Türkiyə Super Liqasının 19-cu turunda baş tutacaq “Beşiktaş” – “Qalatasaray” matçının təyinatları açıqlanıb.

Komanda.az Türkiyə Futbol Federasiyasının mətbuat xidmətinə istinadən xəbər verir ki, derbini Yasin Kol idarə edəcək.

Ona yan xətt hakimləri Abdullah Bora Özkara və Samet Çiçek kömək edəcək. Dördüncü hakim funksiyasını Çağdaş Altay yerinə yetirəcək.

Görüş martın 29-da İstanbuldakı “Beşiktaş Park” stadionunda təşkil olunacaq.