İsrafilovun komandası səfərdə heç-heçəyə razılaşdı

Futbol üzrə İspaniya 2-ci liqasında 39-cu turun oyunları keçirilib.

Komanda.az xəbər verir ki, Azərbaycan milli komandasının yarımmüdafiəçisi Eddi İsrafilovun formasını geyindiyi “Albasete” də növbəti matçına çıxıb.

Sözügedən kollektiv səfərdə “Almeriya” ilə qarşılaşıb. Futbolçumuzun komandası bu oyundan heç-heçə ilə ayrılıb – 1:1.

İsrafilov bu oyunun iştirakçısı olmayıb. Onun adı qarşılaşmanın iştirak ərizəsinə də daxil edilməyib.

“Albasete” 39 oyuna topladığı 37 xalla 22 iştirakçı arasında sonuncu pillədə qərarlaşıb.