İsrafilovlu “Alkorkon” yenə uduzdu

Futbol üzrə İspaniya Sequndasında 26-cı turun oyunları keçirilib.

Komanda.az xəbər verir ki, Azərbaycan yığmasının yarımmüdafiəçisi Eddi İsrafilovun formasını geyindiyi “Alkorkon” da növbəti matçına çıxıb.

Sözügedən kollektiv səfərdə “Real Ovyedo” ilə üz-üzə gəlib. Futbolçumuzun komandası bu qarşılaşmadan məğlubiyyətlə ayrılıb – 0:1.

İsrafilov da bu görüşün iştirakçısı olub. O, start heyətdə meydana çıxıb və sonadək mübarizə aparıb. Millimizin üzvü 84-cü dəqiqədə sarı vərəqə ilə də cəzalanıb.

Hazırda 38 xala malik “Alkorkon” 22 iştirakçı arasında 8-ci pillədə qərarlaşıb.