İsrafilovlu “Alkorkon” səfərdə uduzdu

Futbol üzrə İspaniya Sequndasında 37-ci turun oyunları keçirilib.

Komanda.az xəbər verir ki, Azərbaycan yığmasının yarımmüdafiəçisi Eddi İsrafilovun formasını geyindiyi “Alkorkon” da növbəti matçına çıxıb.

Sözügedən kollektiv səfərdə “Numansiya” ilə üz-üzə gəlib. Futbolçumuzun komandası bu qarşılaşmadan məğlubiyyətlə ayrılıb – 0:2.

İsrafilov da bu görüşün iştirakçısı olub. O, start heyətdə meydana çıxıb və sonadək mübarizə aparıb.

Hazırda 51 xala malik “Alkorkon” 22 iştirakçı arasında 11-ci pillədə qərarlaşıb.