“Çox təkliflər aldım, amma…” – David Silva

İspaniyanın “Real Sosyedad” klubuna transfer olunan David Silva açıqlama verib.

Komanda.az xəbər verir ki, La Liqa təmsilçisinin mətbuat xidmətinə danışan Silva, keçidiylə bağlı bunları deyib:

“Real Sosyedad”a keçməzdən əvvəl çox təkliflər aldım, amma diqqətimi çəkən yalnız bu komanda oldu. Müqavilə imzaladıqdan sonra bir çox yaxın insanlardan müsbət rəy aldım. Gözəl və sakit şəhərə köçdüm. Qərarı ailəmlə birlikdə verdim”.

“Valensiya”nın yetirməsi olan David Silva İspaniyada bu klubdan başqa, “Eybar” və “Selta”da da çıxış edib. İspaniya millisinin sabiq üzvü 2010-cu ildən “Mançester Siti”nin uğurları üçün çalışırdı.