Ronaldo “Real”a qayıdır? – Zidandan açıqlama

İspaniyanın “Real” komandasının baş məşqçisi Zinəddin Zidan mövsümün sonunda “kral klubu”na qayıdacağı iddia olunan Kriştiano Ronaldo ilə bağlı açıqlama verib.

Komanda.az xarici mətbuata istinadən xəbər verir ki, fransız mütəxəssis, portuqaliyalı hücumçu haqda çıxan iddialarla bağlı bunları deyib:

“Ronaldonun necə futbolçu olduğunu bilirsiz. Nələri bacardığını, onu necə sevdiyimizi hər kəs bilir. Ronaldo burada tarix yazdı, möhtəşəm futbolçudur. Hazırda “Yuventus”un futbolçusudur və başqa bir şey deyə bilmərəm”.

Ronaldo 2009-2018-ci illər aralığında “Real”da çıxış edib. Hücumçu 2018-ci ilin yayında “Yuventus”a keçib. Onun “qoca sinyora” ilə müqaviləsi 2022-ci ilin yayına qədərdir.